2025-04-25
📣 Эцэг эх, багш нарт зориулсан тайлбар:
🎓 Түгээмэл асуулт, хариулт
Миний хүүхэд бүтээлийг дутуу тоглосон мэт санагдсан. Энэ оноонд нөлөөлөх үү?
→ Үгүй. Уралдаан бол концерт биш тул бүтээлийг заавал бүхэлд нь тоглох шаардлагагүй. Шүүгчид таны хүүхдийн хөгжимд хандах хандлага, мэдрэмж, гүйцэтгэлийг дүгнэдэг.
Бидний сонгосон зохиолд давталттай хэсэг бий. Давтаж тоглох уу?
→ Үгүй. Давталт заавал тоглох шаардлагагүй. Тоглолтыг хугацаанд нь багтаах нь чухал.
Хүүхэд маань хугацаа хэтрүүлж тогловол яах вэ?
→ Тоглолтыг зогсоох бөгөөд хэтрүүлэн үргэлжлүүлсэн тохиолдолд оноонд сөргөөр нөлөөлнө.
Хугацааны хязгаарыг хэн тогтоодог вэ?
→ Уралдааны зохион байгуулагчид тухайн жилийн оролцогчдын тоо, танхимын боломж, шүүгчдийн бүрэлдэхүүн зэргийг харгалзан тогтоодог.
Яагаад хугацаа тогтоох шаардлагатай гэж?
→ Уралдааны шүүлт нь олон оролцогчдод тэгш боломж олгох, цагийн менежментийг оновчтой байлгах, шүүгчдийн үнэлгээг шударгаар хүргэх зорилготой.