📢 АНХААРУУЛГА

Монголын Төгөлдөр Хуур Сонирхогчдын Холбоо нь Монгол Улсын хэмжээнд зохиогдох төгөлдөр хуурын уралдаан, тэмцээнийг эмх цэгцтэй байлгаж, Олон улсын уралдаан тэмцээнд монгол улсаа төлөөлөн оролцох эрхийг олгох сонгон шалгаруулалт, оролцогчдын хөгжлийг дэмжих зорилгоор дүрэм, журам батлан мөрдүүлж ажилладаг.

Сүүлийн үед холбооны нэрийг ашиглан, бидэнтэй хамтарч байгаа мэтээр төөрөгдүүлсэн, албан ёсны зөвшөөрөлгүй уралдаан зарлах, зохион байгуулах, харилцаа холбоо үүсгээгүй, баталгаажаагүй Олон улсын уралдаанд зуучлах, өөрсдөө дур мэдэн оролцох тохиолдол гарч байгаа тул нийт төгөлдөр хуур сонирхогчиддоо албан ёсоор дэмжигдээгүй уралдаанд оролцохгүй байхыг анхааруулж байна.

Холбооноос дэмжихгүй байх үндэслэл:

• • МТХСХ-оос гаргасан дүрэм журмыг мөрдөөгүй,
• • Хэт бизнесийн ашиг хөөсөн, ёс зүйгүй зорилготой,
• • Бүртгэл, шүүлтийн систем, шүүгчдийн мэдээлэл баталгаагүй,
• • Нийтэд нээлттэй бус учир оролцогчид хохирох эрсдэл өндөр.

⚠️ Албан ёсоор баталгаажаагүй уралдаанд оролцсоноор:

• • Төлбөр мөнгө, шударга бус шүүлтээс үүдэн сэтгэл санаагаар хохирох,
• • Холбооны цаашдын дэмжлэгийг алдах эрсдэлтэй.

👉 МТХСХ-ны www.piano.mn вэб сайтад зарлагдаагүй аливаа уралдаан нь холбооноос дэмжигдээгүй болохыг анхааруулъя.

Монголын Төгөлдөр Хуур Сонирхогчдын Холбоо

УДИРДАХ ЗӨВЛӨЛИЙН МЭДЭГДЭЛ